الرئيسية
أحدث الصور
التسجيل
دخول
لميس$$ عضو $$
- عدد المساهمات : 38
الجنس : انثى
نقاط : 27065
السٌّمعَة : 12
06/02/2010
العمر : 28
تصرفات البنت جوا البيت وخارج البيت
2010-06-30, 12:12 pm
جوا البيت : اذا اخوها الصغير قرب عليها بتروح مازعتوا هداك الكف عاميه ضووه<< عاد المسكين كان بس بدو يدور على حفايته تحت الكنابية الي هي قاعدة عليها.
برا البيت : اذا صاحبتها او واحد من صحابها جايب ولد صغير بتبلش يا حبيبي ويا عمري وما ازكاك وتقرصه من خدوده<< وعاد الولد بتكون ريالته معبه اواعيه وجه معبى شوكلاتة وبوظة......زي كأنها ما بعمرها شايفة ولد صغير ...(لا حول ولا قوة الا بالله ) واخوها المسكين اذا شافها بتعمل هيك راح يفقد عقله ويحكي انو اخته انجنت..
**الاكل**
جوا البيت : يا حبيبي عليكم اذا امها طابخة طبخة بتحبها (ملوخية مثلا).....بتروح خالعة 3 صحون ومرات 4 مع فخدة وسفينة..والاكل معبي الطاولة بتكون زي كاينة عاملة طوشة مع الصحن ....الملوخية في كل مكان ...انتشار واسع وقصف عشوائي.
برا البيت : حكولها تعالي تفضلي على الاكل بتكون الطبخة ملوخية كمان ...بتحكي لأ لأ والله انا مو جوعانة متألة على الفطور ماكلة شأفة خبزة مع كاسة حليب..... واذا اصروا عليها بتحط ملوخية لحالها بدون رز على اساس انه الرز بينصح وهي معتنية بصحتها كتير وبتحب تضل خفيفة.
**الريحة**
جوا البيت : امها وابوها واخوها والجيران بيكون بيقنعوها انها تتحمم او تغير البجامة الي عليها لانه الريحة الي طالعة منها حرمت الناموس يفوت على الدار....والدبان قرفان منها....يعني لو تضل كمان يوم هيك ممكن تكون السبب بعمل ثقب بالاوزون...
برا البيت : الله وكيلكم امها مش ملحقة عليها قناين عطر ومزيلات عرق ...كل يومين بدها علبة مزيل عرق....الي بيمرق من جنبها والي بيقعد حدا بيقضيها مسطول من الريحة وبتضل الريحة علقانة بمناخيره لدرجة انه بيبطل يميز ريحة المزبلة من ريحة الورد...عدمت حاسة الشم عنده .
**الحكي والصوت**
جوا البيت : اذا بدها تنادي على اخوانها يلا على الاكل او الغدا بيجوز الي بالحارة التانية بيفكروا حالهم معزومين على الغدا من كتر ما صوتها بيكون يرن رن بالدار ويا حبيبي اذا حدا غلط وخربلها اشي على الضمان لتقطع خلفه بهداك الصوت الي بدها تخلعه اياه.
برا لبيت : اذا كانت برا البيت وقاعدة بتحكي بموضوع مع صاحباتها وفي شباب حواليها يادوب يادوب تسمع صوتها وبين كل كلمة وكلمة في كلمة انجليزي ويا عمري اذا كانت بتعرف فرنسي ..انسى انك مش راح تفهم اشي وراح تطلع حمار قبالها. يعني ولا دلع نانسي بالحكي وحركة شفايف اليسا.
**واخر شي الضحكة **
جوا البيت : اذا ضحكت بالبيت بتكون ....اهاهاهاهاها اخ اخ هاها هوهو هو هي اخ اخ ...بعدين بتصير اذا ضحكت تعبي الي حواليها بزاقة.
برا البيت : هاها .....ها طبعا بتكون حاطة اصبعين على تمها بس تضحك......اتيكيت.
والله احلى عالم الصبايا لا تزعلو مني
ستار$$ عضو $$- عدد المساهمات : 38
الجنس : انثى
نقاط : 27106
السٌّمعَة : 10
21/01/2010
العمر : 36
رد: تصرفات البنت جوا البيت وخارج البيت
2010-06-30, 12:23 pm
شو هاد يا لميس
هههههههههههههههههههه
وفيت ياقلبي وحصلت الخيانة$$ عضو مبتدء $$
- عدد المساهمات : 3
الجنس : ذكر
نقاط : 23820
السٌّمعَة : 10
07/11/2011
العمر : 34
رد: تصرفات البنت جوا البيت وخارج البيت
2011-11-09, 7:56 am
ههههههههههههههههههههههههه
والله اذا هذا الحكي صحيح
اكلتو هوى ياصبايا
مابيرضى ولا شب يتزوج
هههههههههههههههههههه
يسلموو
والله اذا هذا الحكي صحيح
اكلتو هوى ياصبايا
مابيرضى ولا شب يتزوج
هههههههههههههههههههه
يسلموو
صلاحيات هذا المنتدى:
لاتستطيع الرد على المواضيع في هذا المنتدى